نشر الصحفي بقناة نسمة أمين مطيراوي اليوم الاربعاء 19 جوان 2019، تدوينة على حسابه الرسمي، كشف فيها علاقة رجل الاعمال الموقوف شفيق جراية بحركة نداء تونس والمدير التنفيذي لنداء تونس سابقا (2014) سليم العزابي، وذلك دفاعا عن المرشّح للرئاسة وأحد مؤسّسي قناة نسمة نبيل القروي.

 

وقال مطيراوي: “شفيق الجراية ربي يخلّص وحلو ضحية تصفية الحسابات ايجا نحكيو مع بعضنا الحقيقة ،شفيق اليوم يتم اقحام أسمو لتشويه الخصوم …كرمز للفساد و اللي عندو علاقة بيه معناها فاسد …أولا قضائيا ما فما حتى حكم بات يثبت تهمة الفساد بل بالعكس تمّت تبرئته نهائيا في قضية التآمر على امن الدولة الداخلي و الخارجي و وضع النفس على ذمة جيش اجنبي زمن السلم و بانت بالكاشف للناس الكل اللي هي قضية مفبركة و ملفقة و لم يحرك احد ساكنا مالجماعة اللي يحبوا يقراو الفاتحة على مرسي (مانيش نحكي عاللي قراو الفاتحة على مضض كعربون محبة لحركة النهضة باش تصوت معاهم العشية على إقصاء نبيل القروي) ،شفيق الجراية اللي يحبوا يسبوا بيه خصومهم هوما اللي عرفوهم عليه ،بما انو انا خدمت مستشار إعلامي لدى السيد سليم العزابي في حملة نداء تونس 2014 وقتها هو المدير التنفيذي متاع الحملة عيّطلي و قلّي راهو شفيق الجراية باش يخدملنا الحملة في الجنوب على خاطر المرزوقي هارب علينا غادي و هو يحبوه الفلاحة اللي يشري من عندهم في الدقلة للمعمل متاعو باش يمشي في حملة موازية غير رسمية في شكل قافلة مساندة للمرشح الباجي قائد السبسي و نحبّك تمشي معاه ،و هو ما تمّ فعلا و رافقتو في القافلة متاعو و كنت شاهد عيان عالمبالغ الطائلة اللي صرفها شفيق لإنقاذ تونس من الأخونة وقتها و كان سليم العزابي في اتصال متواتر معاه اما ما يطلبوش مباشرة على تاليفونو،يطلبني انا و انا نعديهولو،وقتها كنت نستعمل في الشريحة 22710085

 

معناها اللّي تحبوا تشوهونا بيه في ضيق و في مظلمة و صادرتولو املاكو باش تصرفوها في الحملة الانتخابية متاعكم ،و ما عليه حتى حكم قضائي بات يثبت ادعاءاتكم و تهمكم و زيد على هذا الكل انتوما اللي عرفتونا عليه “.

 

 

 

Share
Total 0 Votes
0

Tell us how can we improve this post?

+ = Verify Human or Spambot ?

حول الكاتب

JOURNAL