هاي كارثة أخرى عملوها.. باهيشي تو!!!!!!!

في وقت كان سمير بالطيب وزير فلاحة جاب رئيس الديوان بوبكر الكراي و جاب منذر الخراط مدير عام الشؤون الإدارية و المالية.. كشد اسامة الخريجي وزارة الفلاحة نحى بوبكر الكراي و عوضو بعبد الرزاق الطرابلسي رئيس ديوان اما منذر الخراط ما غيروش.. كجت الوزيرة الجديدة نحت عبد الرزاق الطرابلسي و رجعت بوبكر الكراي الي كان رئيس ديوان سمير بالطيب.. كالمشيشي نحاه بالقوة و قاللها تخلي الوضعية القديمة يعني ما تنحيش عبد الرزاق الطرابلسي ما سمعتش الكلام حطت منذر خراط مدير الشؤون الادارية و المالية و الي هو جابو قبل سمير بالطيب رئيس ديوان بالنيابة المشيشي بعثلها فريق من القصبة لإخراج بوبكر كراي لانها ما حبتش تمتثل لقرار متاعو.


قالها ما تغيري شيء الما تشاوريني
مشت غيرت من غير ما شاوراتو
قالها نحيه.. ما نحتوش!
بعث قوة باش نحاتو..
قالها ارجعي للوضع لقديم، معناها رجعي عبد الرزاق الطرابلسي
ما حبتش تستجيب وعملت مرور قوي، حطت منذر خراط مدير الشؤون الادارية و المالية و الي هو جابو قبل سمير بالطيب
باهي هيا نركزوا شوي!
زعمة عاقصة البحري هكا من راسها تتطاول على المشيشي، وتتبورب وتعصي في الاوامر!؟ منين جتها القوة الكل وباش مسخنا جنابها؟!
هاو الامر واضح وباينة العبد المأمور، يسيروا فيها من قرطاج بتيليكوموند


شفتو وقت نقولوا راهو قيس باش يلعب في القصبة كيما لعبت عبير في البرلمان، تجيك ناس وتقلك انت تكره الرئيس!؟؟
آخي نكرهو زارع نوياه والا شركة في حانوت، ماو مستقبل بلاد ومصير ثورة يا عبيييييييييييييييييييييييييييييييييييد!

نصرالدين السويلمي

Share Button
Total 7 Votes
3

Tell us how can we improve this post?

+ = Verify Human or Spambot ?

حول الكاتب

JOURNAL